Jai zoriontsuak eta urte berri on

Euskadiko Itsasargien Lagunak Kultura Elkarteak detaile honen bidez zoriondu nahi zaituztete egun berezi hauetan.

La Plata itsasargia

Pasaiako portuko bokalearen mendebaldean (43º20´10’’N - 001º56´00’’W), Ulia gainean, La Plata itsasargia kokatzen da. Gipuzkoako lehenengoa eta Euskadiko bigarrena den portuko sarrera seinaleztatzeko diseinatu zen.

Itsasargiaren izenari dagokionez bi bertsio daude. Lehenaren arabera, inguruko meategietatik ateratako zilarra portu honetatik ateratzen zelako dauka izen hori, eta beste bertsioaren arabera, itsasargia kokatzen den tokiko hormek, eguzkiak jotzen dienean, egiten duten distiragatik omen du izen hori.

Hiru fatxada besterik ez du (laugarrena mendia bera da) eta eraikin honek gotor itxura dauka, almenak dituelako.

1855ean eraiki zuen Francisco Lafargak harlangaitzez. Zokaloak, leihoen profilak eta ateak hareharriz eginak dira. Fatxada nagusiaren alboetan, bi dorre zilindrikoen bitartez errematea ematen dio eraikinari.

Eraikinaren harkaitzean landutako terrazan itsasargia duen dorrea goratzen da eta hauxe da itsasotik ikusten den bakarra. Itsas mailatik 153 metrora dago fokuaren planoa.

Optika mota kataoptrikoa da. Argia distira zuriko multzoetan egiten du lau segundoan behin, eta 13 itsas miliatara iristen da.

Senokozulua itsasargia

Pasaiako portuan (43º19´90’’N - 001º55´60’’W) kokatzen den Senokozulua itsasargia eraikitzeko proiektua, 1904an egin zuen Joaquin Arguedas ingeniariak eta 35639 pezetako aurrekontua eduki zuen.

Zokaloa, erlaitzak eta janbak hareharri-landuak dira, fatxadaren gainontzekoa harlangaitzezkoa den bitartean. Itsasargia kokatzen deneko dorrea ere harlanduzkoa da.

Kupula, kupuliñoa, tximistorratza, haize-arrosa eta haize-orratza ditu.

Linternatik kanpora bi pantaila daude eta hauen helburua zera da, koloretako sektoreak zuriarekin ez nahastea.

Baliza honen foku-planoaren altuera 52 metrokoa da. Optika mota norabideko argiarena da, sektore gorri, zuri eta berdeekin, eta 6, 7 eta 6 itsas miliako tartea harrapatzen dute hurrenez hurren. Argiak hamabi segundoan behin distira multzoa egiten du.

Higer itsasargia

Higer itsasargia Hondarribian (Gipuzkoa) dago, Jaizkibel mendia eta Bidasoa ibaiaren bokale artean (43º23’50’’N – 001º47’50’’W). Eraikin neoklasiko hau Francisco Lafargak eraiki zuen 1881ean. Antzina beste bat egon zen leku berean baina 1874an suntsitu zuten tropa karlistek. Penintsulako azkeneko, edo lehenengoa nondik begiratzen den, itsasargia da.

Solairu bateko eraikina da, bizitokia (183 m²), sotoa eta ganbara ditu. Behe solairua, non bizitokiko 5 gela eta makina gela dauden, bi zatitan banatuta dago erdiko pasabide batez.

Linterna zilindrikoa da, aeromaritimoa muntaga inklinatuekin, kristal okerrak, kupula gorria, haize-arrosa eta tximistorratza. Bizitokitik joaten da horra, harrizko eskailera kiribiletatik terraza batera iritsi arte (dorrea sekzio karratukoa da puntu horretara arte). Gero, dorrea zilindrikoa da eta eskailera metalikoak.

Optika 65 metroko altueran kokatzen da eta 23 itsas milia arte harrapatzen du. Aparatu katadioptrikoa da, biratze azkarrekoa, 250 mm-ko distantzia fokala duten hiru lente anularrekin. Argiak hamar segundotik behin bi distira zuri egiten ditu.

Pharos

Itsasargia, gaztelaniaz "faro", Alexandrian zegoen Pharos irlatik hartutakoa da. 134 bat metrotara eta muturrean egurrez eginiko suaren bitartez, Egiptoko marinelak gidatu zituen bi mila urtez gutxi gora behera.

Lurrikara batek bota zuen XIV. mendean eta bere argiak gaua argitzeari utzi zion. Itsasargiaren argitasuna aldatuz joan da denborarekin: antzinako egur mordo hartatik, ikatza gero, mota desberdinetako olio-lanparak eta azkenean elektrizitatea.

Gauetako ziklope hauek eraman gaituzte elkartea osatzera. Denek helburu bera dute eta denak desberdinak dira. Badu bere xarma elkarren artean dauzkaten desberdintasunak ikustea, hasi bere egituratik, altuera edo kokapenera arte.

Historia erakargarria, eraikin zoragarriak, sentimendu bat, abentura honi hasiera eman eta gurekin bat egin nahi duen edonorekin partekatzera eraman gaituztenak.

Bloga daukagu

Kaixo!

Blog honetan hasi gara nabigatzen, itsasoarekin zerikusia duen guztia atsegin duten lagun guztientzat.

Ibilaldi honetan parte hartuko duzuela espero dugu.

Igeldoko Itsasargia (Donostia)