Elkarrizketa Onda Vasca irratiko "La Tarde en Euskadi" saioan

Gure elkarteko idazkariari egindako elkarrizketa Onda Vasca irratiko "La Tarde en Euskadi" saioan.

Gogoratu otsailaren 24ra arte (ostirala), argazki erakusketa berri hau ikus dezakezula. Penintsulako itsasargien formatu handiko 20 argazki eta Euskadiko kostako itsasargi guztien argazkiak egongo dira ikusgai.

Zatoz Okendo Kultur Etxeko Areto Zaharrera (Nafarroa hiribidea, 7 - Gros - Donostia), astelehenetik ostiralera 10:00 - 14:00h eta 16:00 - 20:30h ordutegian. Sarrera dohain da.

Elkarrizketa "Gipuzkoa a diario" saioan: Luz de mar

Gure elkarteko idazkariari egindako elkarrizketa Teledonostiko "Gipuzkoa a diario" saioan, Groseko OKENDO KE-an (Donostia) ikusiko den "Luz de mar" dokumentalari buruz hitz egiten.

"Luz de mar" Grosen

Datorren astean, otsailaren 14ko 19:00etan, Donostiako Okendo Kultur Etxean (Nafarroa etorbidea, 7 - Gros), "Luz de mar: la historia de los últimos fareros" izeneko dokumentala ikusteko aukera izango dugu.

Dokumental honetan emakume farozain baten lanaren azkeneko hilabeteak erakusten dira, erretiroa hartu aurretik, eta zeinen gogorra izan zen beretzat itsasargia itxi eta bertan bizitako oroitzapen piloa atzean uztea. Dorrezain bati ere jarraipen bat egiten zaio bere ardurapean dituen itsasargietara bisita eginez, bere lana bertatik bertara ikusi eta ezagutuz, ez soilik bere bizitokia den itsasargian, baizik eta bere ardurapean dituen guztietan ere bai. Jasotzen den beste testigantzetako bat farozain izandako batena da: nola bizi izan duen aldaketa, nola igaro den "ez dakit nongo farozain izatetik" eta toki pribilegiatuan, inbidia sortzeko modukoan bizitzetik bulego batean lan egitera eta, batez ere, dilema handi hori bizitzera, alegia, "itsasargiari gizatasuna kentzea".

Galzorian dagoen lanbide batera eginiko hurbilketa. Erretiroa hartzen duen emakume farozaina. Bere lanbideaz maiteminduta dagoen hori bere itsasargitik urrun bizitzera behartuta. Dorrezainen azkeneko belaunaldiaren ordezkari bat. Margolari bat. Historialari bat… Haiek guztiak, desagertzeko zorian dagoen ondare bati lotuta.

Dokumentala eta gero, solasaldi bat egingo da Elkarteko kideekin. Sarrera dohain da.

Aukera bikaina da errealitate hori ezagutzeko. Zatoz!